Ауа өткізгіштер

Ауа өткізгіштер мен оларға арналған фасонды бөлшектерді Алматы облысындағы жеке цехымызда жасаймыз. Өнім желдету, ауалық жылыту, кондиционерлеу, аспирация және пневмокөлік жүйелеріне қолданылады — тұрғын кешендерден зауыттарға дейін.

ҚР ЕЖ 4.02-101-2012 «Жылыту, желдету және ауаны баптау» талаптары бойынша жұмыс істейміз. Өнімге ҚР және Кеден одағының сәйкестік сертификаттары бар.

Жоба өлшемдері бойынша кесіп, құрастырамыз. Стандартты емес бөлшектерді монтаж сызбалары немесе қолмен сызылған эскиз бойынша да жасаймыз.

Жіктелуі

Қимасы бойынша — дөңгелек және тікбұрышты. Жігі бойынша: тік жікті және дәнекерленген. Тығыздығы бойынша екі класс: Н (қалыпты) және П (тығыз).

Фасонды бөлшектер: типтік (тік учаскелер, 90° және 45° бұрылыстар (отводтар), өтпелер (переходтар), үштіктер, бітеуіштер), сызба бойынша стандартты емес, жалғау элементтері — бұрыштамадан және профильді рейкадан жасалған фланецтер.

Материалы

Негізгі материал — 0,5–2,0 мм мырышталған болат; қалыңдығы қима мен жоба талаптарына қарай таңдалады. Агрессивті орталар үшін тот баспайтын болаттан, полимер жабынды болаттан және алюминий парақтарынан жасаймыз.